A Kirwa in Gämün
ölla Freund ob gruaß ob klein
lod mä zu unera Kirwa ein.
öllas wed zäracht gemacht,
un a fetta Sau werd gschlacht.
Und die Vettern un die Tanten,
un wos süst nuch an Bekannten,
Ölla sen bei dir zu Gast,
ä wenn sa net gäloden host.
Ich geh mit dann Onkel Hann
in die nächsta Wirtschaft dann.
und weil uns heit schmeckt dös Bier
so trink mä anstatt zwä halt vier.
Onkel Otto hot sei Fräd
an die lieben klena Leut,
un a nimmt sa an dä Hand
un führt sa hie zum Zuckerstand.
Die alten Tanten bleim dähem,
denn die wölln gän a le mol sen.
un bei Kaffee un Gäbäck
loss'n sa sichs ölla schmeck.
Fremda Gsichtä, frema Leut
sieht mä an dä Kirwah heit,
ölla ham sich auf gätan
un sen noch Gemünda gfarn.
O du gutä altä Freund,
dös het ich mä net gäträumt,
dös mir uns traffen heit do hier,
komm Freund mir trinken schnall a Bier.
Onkel Schursch geh halt mol rei,
dei Fra die host wol nett dabei,
die muß heit dähein mol blei
ich wollt doch a alee mol sei.
Doch die Anna un ihr Franz
gen an dä Kirwa gänn zum Tanz,
kaum hört die Musik mol auf,
do schreit da Franz
gleich nuch en drauf.
A Prosit dä Gemüdlichkeit
da e zum annan durt zu schreit,
jedoch da Krug da is scha leer,
Wirt komm tu schnäll a neua her.
Un so gehts bis Früh um drei,
dann trink mä nuch a Flasch'n Wei,
domit mä bleib'n immä heita,
denn am anärn Tog gehts weitä.
Wenn die Kirwa is dann aus,
geh'n mä ganz beschwingt noch haus,
doch da Gäldsack da is platt,
mä denkt dös da die Schwindsucht hot.
A sua Kirwa in Gemü
die hot so manchen Zweck un Sinn.
Bevur ma aus ä nanä gehn,
do sog mä uns Aufwiedersehn-
Gemünda 1960.
Franz Fischer.