Alles Gift
Auf mancha Flasch'n steht a Schrift,
a Tuatenkopf un "Vorsicht Gift"
un ke' Mensch da' dös lasen ka'
trinkert a' Tröpfla do' dä va.
Un doch gibts Gift'Sorten in Massen
die mä uns täglich ei'gehm lassen-
Dös is amol die Lust am Streit,
da Geiz, die Habsucht un' da' Neid,
die Wut da Suff un a' da' Rauch
un die gruaß Lieb zum e'gna Bauch.-
dös is wos' dös' des Lebm' betrifft:
im Grund nex anners wie dös Gift.
Däß ke'nne kriegt in' Lam genug
un do däzu nuch Lug un Trug.
A' jeder klopf mol an sei Brust,
ob ah' mit Fleiss, ob unbewußt,
ob er sei Mester oder Stift,
ah' jeder strotzt van su' an Gift.
und für dann Gift gibt es ums Frecken,
ke' Gegengift in dä Apotheken.
Drum mehn ich halt un' rat' bescheiden
mä söll dies Gift van Grund auf meiden.
net' bluas Chemie un Flaschengift
ah' dös - des die Moral betrifft!
Wer dös beherzt ihr Leut un Kinnä'
da' labt viel menschlichä' un g'sünder.
Leopold Kammerer