Dös alta Jahr geht nun za End
es is so schnell Vä - ganga,

wenn mä noch denkt un ah sua hört,
hot es doch erscht a gfanga.

Eh mol warsch schö', eh mol warsch schlacht
doch mir sen a Jahr weiter

denn wos mä mecht, is öft verkehrt
dös Hinterteil werd kälter.

Un scha gen a die Surgen ah
was werd des neu uns brenga,

denn unsa ganzä Erdenläf
tut an an Foden hänga.

Da eh käft sich ah Horoskob
ah anära tut Blei gießen,

da eh da secht dös Jahr vuraus,
wos die Leut ölläs wissen.

Um Mitternacht gehts lustig zu
es krachen die Sekt Korken,

a Prost Neujahr ruft mä sich zu,
mä denkt nuch net an Murchen.

Sua manchä hat vä lautä Prost
dös Gleichgewicht vä lurn

is in dä Ärschten Stun im Jahr
da alt scha widä wurn.

Aus Dank am alten, un dä Fräd am neun,
wärn Leuchtraketen gschossen

un immä werd aufs neua Jahr
a a Schnäpsla nei gegossen.

Un sua viel Glück un guta Wünsch
ihr Leut ich kas euch gsoch

an Huckelkurb van schönä Wörter
könnt ma do hem gätrog.

Doch murchen siehts scha anersch aus
die Surchen gen scha aaa

un jeder tut erneut sei Pflicht
ob Kinna mah un Frah.

Doch unnä Herr um Himmel,
da hots in seina Hend,

drum bit mä na, dös a uns führt
zum nächsten Jahresend.

Gemünda 1984

Franz Fischer

 zurück