A Häußla kle' van ägna Gald
hot ä durt um in Sunnäfäld.

Jedoch dä Zau wu ringsrum führt,
da kört scha lang mol reperiert.

In Altenhausen waht a Maa,
da ihn däbei ä mol kälf ka.

Noch Sunnäfald fahrn sa dann nauf
un richten an neun Zaun durt auf.

Da Schursch däs is a starkä Ma,
da mit dan Schliachel drauf gschla ka.

A schlächt die dicken Pfosten nei
un da Schandarm da steht däbei.

Jedoch da ka däs nett a gsah
drum will ä noch dann rächten säh.

Ä kontrolliert,guckt a mol nah.
da Schursch da schwingt dänn Schlegel scha.

Da Schandarm legt sei Hend um'drauf,
da gutä Schursch,da passt net auf.

Auf e'mol hört ä einen Schrei,
dös Schandarms Hend die is e Brei.

Da Schursch da leßt dann Schlegel fliegen,
da Schandarm tut im Gros durt liegen.

Ach gutä Freund,dös wollt ich net,
geh nei dein Haus,leg dich neis Bett.

Ich will gleich noch an Doktä sah,
da dir dei Hend verbinden ka.

Jetzt läft a rüm,doch wa na kennt,
da fregt noch seina krank'n Hend.

So manchä hot na ausgelacht,
doch da hot sich nex draus gemacht.

A denkt ihr Leut wos wöllt ihr scha,
halt ihr doch mol die Pfu'dn na.

Un wenns a war a Viecherei,
so brengts an Sonderurlaub ei.