Da Tennisspurt
Beim Spurtverein do in Gämun
do tut mä jetzt a Tennis spieln.
Da Tennisball fliegt hie un ha
un öftä fliegt ä ah die Qua.
Die Leut die tun dann Ball noch renna
un gäm na mit dä Patschen ena.
Un wenn da Ball mol schö auftatzt,
da werd äh ganz bestimmt vä patzt.
Die Damen spieln in vollem Glanz
un fürn faßt auf an Hexentanz.
Die Männe tun die Patschen schwinga
da Ball tut übern Drohtzau springa.
Va lautä hie un ha gäjoch
do lossen ah die Kräft ball noch.
Un in die Beh tuts ganz schö ziehn
un sua wos nennt sich Tennis spieln.
Doch dobei schwitzt mä wie a Aff
da ganza Körper wärd ganz schlaff.
Jedoch dös mächt doch kenn wos aus
a Mos Bier gleicht dös wida aus.
Seitdem hört mä bluas nuch im Urt,
däs schönsta is da Tennisspurt.
Gemüda 1984
Franz Fischer