Die Müllabfuhr (1997)
Ihr lieben Leutla wie ihr wisst
die Müllabfuhr beschlossen ist.
domit die Umwalt sauber bleibt
da Kreis zu diesem Mittl greift.
Da Kreisbeschluss da is zwar weise,
doch wuhie mit dara Scheisse.
vam ganzen Landkrees will mä dann,
die Scheissn bei einanner hamm.
a dofür gibts a Lösung noch,
hinnei mit ins Gemünner Loch.
duart wu mä frühä Ta gekram,
werd Müll und Scheisse eini gschuam.
Im Summä wenns dann is racht warm,
zieht sich durt zam a Muggenschwarm.
mä könnt gäpfletsch, mä könnt gelach,
an Muggenschwarm bei Muggenbach.
un blässt da Wind van Westen dort,
so traägt ä dös gut Lüftla furt,
in Richtung Sessuch un drüm rüm aaah,
damit die zu ihrn Racht a kumma.
die tun die guta Luft ei schnuppern,
auf ä mol fange sa a zä stottern.
da eh da husst, da anä schnuffffft
dös kümmt van dä Gemüner Luft.
da alt Landrat hot dös scha lang gärochen
un hots a öffentlich ausgsprochen
denn es erklang aus seinem Mund,
die Scheissdürfer im Rodachgrund.
Doch lieba Leut macht euch nex draus
stellt racht viel Müll vur euern Haus
domit des Loch wärd schnäller zu
dann ham die Scheissdörfer ihr Ruh.
Gemünda
Franz Fischer